Policia e Sarandës ka referuar në Prokurorinë pranë Gjykatës së Shkallës së Parë të Juridiksionit të Përgjithshëm dy raste të ndara vjedhjesh, të ndodhura në Mesopotam dhe Ksamil.
Në njërën prej ngjarjeve, është nisur procedimi penal në gjendje të lirë për shtetasin P. A., 55 vjeç, banues në Sarandë, i dyshuar për vjedhjen e një sasie të konsiderueshme rakie nga depoja e një shtetasi në fshatin Mesopotam, bashkia Finiq.
Ndërkohë, një tjetër rast është regjistruar në Ksamil, ku një 50-vjeçar ka kallëzuar në polici se nga banesa e tij i janë vjedhur një shumë parash dhe disa bizhuteri. Grupi hetimor po punon për identifikimin dhe kapjen e autorit ose autorëve të dyshuar.
Lini një koment