I fundosi agjenti i inflirtuar, lihen në burg 15 të arrestuarit për drogë në Sarandë, lirohen 5 prej tyre

Gjykata e Sarandës ka përfunduar shqyrtimin e masave të sigurisë për 20 personat e arrestuar në kuadër të operacionit “Vjeshta”, pas një seance që zgjati për disa orë.

Vendimi i gjykatës ka ndryshuar kërkesën e Prokurorisë, e cila kishte kërkuar që të gjithë të dyshuarit të qëndronin në burg gjatë hetimeve. Gjyqtari Mexhit Doci ka vendosur masën “Arrest në burg” për 15 prej tyre, ndërsa për 5 të tjerë ka caktuar “Arrest në shtëpi”.

Mes personave që do të qëndrojnë në qeli janë Arlind Osmani, Feliks Filja, Altin Arapi, Erjon Dido, Medi Myftaraj, Redian Arizi, Dhimitri Terolli, Fabjo Berhamaj, Klerjan Popshini, Devis Saliaj, Xhuliano Mejdi, Vasil Kaci, Shefqet Bezhani, Nazif Refitaj dhe Korado Omeri.

Në masën “Arrest në shtëpi” janë lënë Andrea Babi, Bledar Kovaci, Elvis Demcaj, Nikolin Rakipi dhe Flatun Lalaj.

Në dosjen hetimore, sipas burimeve të bëra të ditura gjatë seancës, rëndësi kanë pasur edhe veprimet e një agjenti të infiltruar. Ai dyshohet se ka kryer blerje të lëndëve narkotike gjatë hetimit, ndërsa këto episode janë dokumentuar edhe përmes fotografive.