Kanë dalë përpara hetuesve në Igumenicë 14 doganierët grekë që u arrestuan në pikën kufitare të Mavromatit më 6 korrik. Ata janë njohur me provat që dokumentojnë përfshirjen e tyre në një skemë korrupsioni me mbi 300 raste ryshfeti. Hetimet e nisura në muajin mars, zbuluan përmes përgjimeve sesi oficerët lejonin kalimin e automjeteve pa inspektim kundrejt pagesave që shpesh arrinin deri në 300 euro. Kjo skemë e organizuar korrupsioni ka vënë në pah shkelje të rëndë të procedurave doganore dhe keqpërdorim të detyrës nga punonjësit e doganës. Ndërkohë që nga pala shqiptare nuk ka asnjë hetim nga autoritetet tona, a thua se ata që korruptonin doganierët grekë nuk jepnin pjesën tjetër të rryshfetit në palën shqiptare.
Mediat greke kanë siguruar dhe publikuar disa nga bisedat e përgjuara mes punonjësve, që hedhin dritë mbi mënyrën se si funksiononte ky sistem i paligjshëm:
Biseda mes një punonjëseje të vjetër dhe një punonjëseje të re:
Punonjësja e vjetër, A.Y.:
“… dhe më vonë do të jesh edhe ti brenda në… Mendoj se zoti K. të tha…”
Punonjësja e re, N.Y.:
“Po, po, më tha.”
A.Y.:
“Ngadalë, ngadalë, çfarëdo ryshfeti.”
N.Y.:
“Po, po, ma shpjegoi ai.”
A.Y.:
“… prandaj turni është gjithmonë i dyfishtë ose i trefishtë, në mënyrë që të jetë një vendim në grup, në mënyrë që të mos e gjejmë veten të ekspozuar.”
Në një bisedë tjetër, oficerët e doganave shmangin vendosjen e gjobave me qëllim përfitimi:
Punonjësja:
“Përshëndetje, kush jeni ju?” (do të thotë se cilin automjet)
Qytetari:
“Unë jam Peugeot.”
C.Y.:
“Në rregull, a ke ndonjë gjë aty brenda?”
Qytetari:
“Asnjë nga…. Pak djathë, pak zarzavate, pak….”
C.Y.:
“A keni ndonjë vaj?”
Qytetari:
“Vaj po…”
C.Y.:
“Sa?”
Qytetari:
“Dhjetë litra.”
C.Y.:
“Dhjetë apo njëzet? Nëse vij unë dhe ju keni më shumë se dhjetë, çfarë do të bëjmë?”
Qytetari:
“… Sa peshonte…”
C.Y.:
“Të pyeta po, e di që është e ndaluar. Të pyeta sa litra është, më thuaj dhjetë dhe unë të them nëse vij te makina dhe gjej njëmbëdhjetë çfarë do të ndodhë dhe më thua se nuk e kam peshuar.”
Punonjësi:
“Çfarë nuk shkon?”
C.Y.:
“Sa keni, ju pyes… Dhe vaj ke, dhe djathë ke, dhe mish ke.”
A.Y:
“E pe makinën?”
C.Y.:
“… jo, ende po negocioj se çfarë është.”
A.Y.:
“Sille që ta shoh… do të diskutojmë për pjesën tjetër.”
C.Y:
“Hape pak që ta shohë kolegu.”
A.Y.:
“Hajdeni, zotëri, a jeni këtu? Lini një kafe dhe shkoni, lini një kafe dhe shkoni.”
Qytetari:
“A duhet të largohem?”
A.Y.:
“Na lini nga një kafe dhe ikim… në rregull, tha ai, dhjetë litra, dhe keni tridhjetë atje brenda? Hyni, hyni. Mos e lini të ju shohë… na lini nga një kafe dhe ikim.”
C.Y.:
“Sa kishte ai?”
A.Y.:
“Kishte tridhjetë litra vaj.”
C.Y.:
“Isha i sigurt se nuk kishte dhjetë, kështu që i thashë nëse dal jashtë dhe gjej njëmbëdhjetë, çfarë do të ndodhë? Më thuaj sa ke para se të vij unë, i thashë.”
A.Y.:
“I the dhjetë litra dhe kishe tridhjetë brenda… Haha… Kaq shumë gabim ishte peshorja?”
⸻
Në një bisedë tjetër, dy punonjës po flasin për ndarjen e ryshfeteve:
Punonjësi:
“Mos u anko fare, sot ishte një ditë shumë e mirë.”
Punonjësja:
“Bravo, S…”
Punonjësi:
“Janë nga, mirë ishim edhe pak, apo jo?”
Punonjësja:
“Sigurisht.”
Punonjësi:
“Dymbëdhjetë e gjysmë.”
Punonjësja:
“Mirë përsëri.”
Lini një koment