Një 61-vjeçar është arrestuar nga Policia e Delvinës, pasi u kap duke kultivuar bimë narkotike të dyshuara Cannabis Sativa, në kopshtin pranë banesës së tij, në lagjen “9 Tetori”.
Gjatë kontrolleve, uniformat blu konstatuan se shtetasi J. M. kishte ndërhyrë në mënyrë të paligjshme në rrjetin e ujësjellësit për të ujitur bimët narkotike, si dhe kishte kryer ndërtim pa leje në ambientet e jashtme të banesës.
Numri total i bmëve të evidentuara në oborrin e banesës së 61-vjeçarit është 17.
Bimët narkotike u asgjësuan me djegie, ndërsa materialet procedurale u referuan në Prokurorinë pranë Gjykatës së Sarandës. 61-vjeçari do të hetohet për veprat penale “Kultivimi i bimëve narkotike”, “Ndërtimi i paligjshëm” dhe “Shkatërrimi i rrjetit të ujësjellësit”.
Lini një koment