Kush janë dy të rinjtë që u plagosën me armë zjarri në Sarandë, dërgohen me urgjencë te Trauma

Janë identifikuar dy personat që mbetën të plagosur pas të shtënave me armë që u shënuan pasditen e kësaj të enjteje pranë stadiumit të Sarandës.

Sipas njoftimit zyrtar, të plagosurit janë shtetasit Gëzim Hoxhaj, 32 vjeç, dhe Ernest Lamaj, 24 vjeç. Ata morën plagë nga armë zjarri dhe fillimisht u dërguan në spitalin e Sarandës për ndihmë mjekësore, ndërsa më pas janë transportuar drejt Spitalit të Traumës në Tiranë për trajtim të specializuar.

Grupi hetimor po vijon punën për zbardhjen e plotë të rrethanave të ngjarjes dhe identifikimin e autorit të dyshuar. Forcat e policisë kanë rrethuar zonën ku ndodhi incidenti dhe kanë nisur marrjen e dëshmive nga të pranishmit.