Bleu karburant me 50 euro të falsifikuara, shpallet në kërkim i riu në Sarandë

Një 24-vjeçar është shpallur në kërkim nga Policia e Sarandës, pasi dyshohet se ka përdorur një kartëmonedhë të falsifikuar për të blerë karburant.

Sipas njoftimit zyrtar të policisë, specialistët e Seksionit për Hetimin e Krimit Ekonomik dhe Financiar referuan materialet në Prokurori dhe shpallën në kërkim shtetasin A. J., banues në Sarandë.

Ai dyshohet se ka përdorur për të blerë karburant një kartëmonedhë të falsifikuar me vlerë 50 euro.

Aktualisht, strukturat e Policisë po punojnë për kapjen e tij, ndërsa materialet i janë referuar Prokurorisë për veprime të mëtejshme ligjore.