Një 33-vjeçar në Ksamil është proceduar penalisht nga policia, pasi në lokalin e tij u konstatua tejkalim i normave të lejuara të zhurmës për shkak të muzikës së lartë. Gjithashtu gjatë kontrolleve policia zbuloi dhe punonjës të padeklaruar.
Gjatë kontrolleve të zhvilluara nga Policia e Sarandës, në kuadër të masave për mbrojtjen nga ndotja akustike dhe garantimin e qetësisë publike në zonat turistike, u konstatua se lokali i shtetasit A. M. transmetonte muzikë përtej kufijve të lejuar me ligj.
Për këtë shkelje, ndaj subjektit u vendos masë administrative. Nga verifikimet rezultoi se pronari kishte punësuar disa persona pa i regjistruar në organet përkatëse dhe nuk lëshonte fatura tatimore për shërbimet.
Në përfundim të veprimeve, Policia referoi materialet në Prokurori dhe nisi procedimi penal ndaj 33-vjeçarit.
Policia e Vlorës u bën thirrje të gjithë subjekteve të respektojnë ligjin, duke garantuar qetësinë dhe sigurinë në zonat turistike gjatë sezonit veror.
Lini një koment