Një ngjarje e rëndë ka ndodhur pasditen e kësaj të enjteje në Sarandë, ku janë dëgjuar të shtëna me armë zjarru në lagjen nr. 4 të qytetit. Burime për Saranda Online bëjnë me dije se dy persona kanë mbetur të plagosur dhe janë dërguar me urgjencë në spital.
Sipas informacioneve paraprake, të plagosurit kanë marrë plagë të shkaktuara nga armë zjarri. Gjendja e tyre shëndetësore nuk dihet ende.
Forcat e policisë kanë mbërritur menjëherë në vendngjarje dhe po punojnë për të zbardhur shkaqet e incidentit si dhe për identifikimin e autorëve. Rrethanat e ngjarjes mbeten ende të paqarta.
Sarandë/Informacion paraprak
Sot, rreth orës 15:00, në lagjen nr. 4, Sarandë, në rrethana ende të paqarta, dyshohet se janë plagosur me armë zjarri shtetasit G. H., 32 vjeç dhe E. L., 24 vjeç, të cilët pas ndihmës së parë mjekësore në spitalin e Sarandës, do të dërgohen drejt spitalit të Traumës, Tiranë, për mjekim të specializuar.
Grupi hetimor, nën drejtimin e Prokurorisë Sarandë, po vijon punën për identifikimin e autorit, zbardhjen e e rrethanave dhe dokumentimin e plotë ligjor të kësaj ngjarjeje.
Lini një koment