Një ngjarje e rëndë ka ndodhur këtë të shtunë në fshatin Berdenesh, ku një punonjës i stacionit të pompave të ujësjellësit është gjetur i pajetë brenda ambienteve të punës. Viktima është identifikuar si Gramoz Hoxha, 54 vjeç, banor i zonës dhe punonjës i përkushtuar prej vitesh në shërbim të komunitetit lokal.
Sipas informacioneve paraprake, dyshohet se Hoxha ka ndërruar jetë për shkaqe natyrale, konkretisht si pasojë e një arresti kardiak. Trupi i pajetë është zbuluar nga kolegët, të cilët kanë lajmëruar menjëherë autoritetet.
Ngjarja ka sjellë trishtim të thellë në komunitetin e vogël të Berdeneshtit, ku i ndjeri ishte i njohur si një njeri i qetë dhe punëtor. Familjarët, miqtë dhe kolegët janë shprehur të tronditur nga humbja e papritur.
Në vendngjarje ndodhet grupi hetimor, i cili po punon për zbardhjen e plotë të rrethanave, ndonëse të dhënat e para përjashtojnë elementë të dyshimtë dhe konfirmojnë një vdekje natyrale.
Lini një koment