Kryefaqe Kronikë Arrestohet një prej autorëve të vrasjes së Renato Hoxhajt, kontrolle dhe në Ksamil
KronikëKryesoreLajm i Fundit

Arrestohet një prej autorëve të vrasjes së Renato Hoxhajt, kontrolle dhe në Ksamil

Shpërndaj
Shpërndaj

Një prej autorëve të përfshirë në vrasjen e 58-vjeçarit Renato Hoxhaj, në Vlorë, është arrestuar të martën në Tiranë. Bëhet fjalë për Erlis Mehmetajn, i cili akuzohet për bashkëpunim në organizimin e atentatit, edhe pse nuk është identifikuar si ekzekutori.

Operacioni është zhvilluar nga strukturat e Policisë së Shtetit, në bashkëpunim me Prokurorinë e Vlorës. Gjatë aksionit janë shoqëruar edhe disa persona të tjerë, një prej të cilëve është transferuar për marrje në pyetje në Vlorë.

Hetuesit kanë rënë në gjurmët e autorëve përmes automjetit të përdorur në ngjarje, i cili kishte targa të falsifikuara. Verifikimet treguan se mjeti ishte në pronësi të Mehmetajt, çka e lidh atë drejtpërdrejt me organizimin e atentatit.

Paralelisht, forcat RENEA dhe FNSH kanë kryer kontrolle në zonën e Ksamilit, mbi dyshimet se ekzekutori është larguar jashtë vendit në drejtim të Greqisë. Edhe pse janë shoqëruar disa persona, deri më tani nuk ka prova që ata të kenë lidhje të drejtpërdrejtë me ngjarjen.

Burime pranë grupit hetimor bëjnë me dije se vrasja dyshohet të jetë kryer me pagesë dhe është porositur nga jashtë Shqipërisë. Janë dy pistat kryesore që po hetohen aktualisht.

Pista e parë lidhet me një hakmarrje të mundshme mafioze. Sipas burimeve konfidenciale, dyshohet se Hoxhaj ka qenë informator i një grupi kriminal, gjë që mund të ketë çuar në eliminimin e tij nga grupi rival.

Pista e dytë ka të bëjë me një konflikt për pronën. Familjarë të viktimës kanë deklaruar për hetuesit se ai kishte marrë kërcënime të vazhdueshme për të dhënë tokën për ndërtim, por kishte refuzuar kategorikisht. Zona ku ndodhej banesa e Hoxhajt është shumë e kërkuar për ndërtime dhe ndodhet pranë një pallati luksoz, ku çmimi i apartamenteve arrin deri në 1,500 euro për metër katror.

Policia ka marrë në pyetje disa persona të lidhur me aktivitetin ndërtimor në zonë, përfshirë edhe pronarin e objektit ngjitur. Hetimet vijojnë për identifikimin dhe kapjen e bashkëpunëtorëve të tjerë të përfshirë në ngjarje.

Renato Hoxhaj, i njohur si një qytetar i qetë dhe pa precedentë penalë, jetonte i vetëm. Fëmijët e tij ndodhen prej vitesh jashtë vendit. Autoritetet pritet të dalin me një deklaratë zyrtare në orët në vijim për të konfirmuar detaje të mëtejshme nga operacioni dhe hetimi.

Shpërndaj

Lini një koment

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Aktualitet

Aksident tragjik në Karahaxh, humbin jetën dy vajza nga Kopaçëza (Emrat)

Një aksident i rëndë ka ndodhur mbrëmjen e së dielës në kthesën e njohur si “Pularia”, në fshatin Karahaxh. Nga përplasja fatale kanë...

Sherr për Jet Ski-në pranë plazhit Bora Bora në Ksamil, shoqërohen në polici 3 persona (Emrat)

Një mosmarrëveshje për marrjen me qira të një Jet-Ski ka degjeneruar në konflikt fizik mes tre shtetasve, pasditen e së dielës pranë plazhit...

Jet Ski-ja futet mes pushuesve në Ksmail, gjobitet pronari dhe sekuestrohet mjeti

Një Jet Ski është bllokuar nga Policia Kufitare e Sarandës, pasi u konstatua duke lëvizur brenda perimetrit të sigurisë së pushuesve në Ksamil,...

Dy banorët e Sarandës rrahin turistin nga Tirana, procedohen penalisht

Specialistët për Hetimin e Krimeve në Komisariatin e Policisë Sarandë kanë nisur procedim penal ndaj shtetasve E. Ç., 44 vjeç, dhe A. Ç.,...

Berisha ndan videon e marrë nga Saranda Online: Kjo është gjendja e turizmit në Shqipëri

Kryetari i Partisë Demokratike, Sali Berisha, ka publikuar në rrjetet sociale një video të marrë nga Saranda Online, përmes së cilës ka denoncuar...

Denoncon turisti gjerman: Fibank më mbajti 75 euro komision për në tërheqje në bankomat në Ksamil

Fi Bank akuzohet për mungesë transparence ndaj turistëve të huaj. Një qytetar gjerman ka denoncuar një tarifë të pazakontë komisioni që iu aplikua...

Artikuj të ngjashem

Aksident tragjik në Karahaxh, humbin jetën dy vajza nga Kopaçëza (Emrat)

Një aksident i rëndë ka ndodhur mbrëmjen e së dielës në kthesën...

Plagosën nënë e bir për parkimin, arrestohen dy vëllezërit në Sarandë

Një ngjarje e rëndë u shënua pasditen e së dielës në Sarandë,...

Sherr për Jet Ski-në pranë plazhit Bora Bora në Ksamil, shoqërohen në polici 3 persona (Emrat)

Një mosmarrëveshje për marrjen me qira të një Jet-Ski ka degjeneruar në...