Policia e Sarandës ka vënë në pranga një 20-vjeçar, pas një sherri të dhunshëm të ndodhur pasditen e djeshme në lagjen nr. 1 të qytetit.
Sipas njoftimit zyrtar të Drejtorisë Vendore të Policisë, në pranga ka përfunduar shtetasi Andrea Nanai, banues në Sarandë, i cili së bashku me një person tjetër që aktualisht ndodhet në kërkim, kanë dhunuar brutalisht me doreza dhe sende të forta një 22-vjeçar.
Ngjarja ka ndodhur rreth orës 18:00, pas një sherri për motive të dobëta.
Shtetasi Orgito Brehamaj, banues në fshatin Gjashtë, ka mbetur i plagosur dhe është transportuar me urgjencë drejt Spitalit të Traumës në Tiranë për mjekim më të specializuar.
Policia ka nisur hetimet për zbardhjen e plotë të rrethanave të ngjarjes dhe arrestimin e bashkëautorit në kërkim.
Lini një koment