Policia e Sarandës ka goditur një tjetër rast të tentativës për trafikim të emigrantëve të huaj, duke arrestuar një shtetas 30-vjeçar nga Durrësi. Sipas uniformavu blu i riu kishte planifikuar kalimin e emigrantëve të paligjshëm drejt vendeve të Bashkimit Evropian kundrejt pagesës.
Sipas njoftimit zyrtar, shtetasi A. N., banues në Durrës, u kap në flagrancë nga Specialistët për Hetimin e Trafiqeve në DVP Vlorë, pas informacioneve të siguruara në rrugë operative.
Ai akuzohet për sigurimin e biletave të udhëtimit për disa shtetas të huaj, me qëllim kalimin ilegal të kufirit.
30-vjeçari do të përballet me akuzën për veprën penale “Ndihma për kalim të paligjshëm të kufijve”.
Materialet procedurale në ngarkim të tij i janë referuar Prokurorisë për veprime të mëtejshme, ndërkohë që hetimet për zbardhjen e plotë të rrjetit të mundshëm të trafikimit vijojnë.
Lini një koment