Është ndarë nga jeta në moshën 80-vjeçare, pas një sëmundjeje të rëndë, mjeku i njohur i analizave laboratorike Jaho Ballaci.
Një figurë e respektuar e shëndetësisë në Sarandë dhe në mbarë rajonin, dr. Ballaci shërbeu me përkushtim të jashtëzakonshëm për dekada, duke ndihmuar mijëra qytetarë përmes punës së tij të palodhur në laborator.
Gjithmonë pranë komunitetit, me një përkujdesje të veçantë për çdo pacient, Jaho Ballaci u bë simbol i profesionalizmit dhe përkushtimit njerëzor. Ai nuk kurseu asnjëherë kohën dhe energjinë për të ofruar një shërbim dinjitoz dhe korrekt, duke fituar respektin e thellë të qytetarëve dhe kolegëve të tij.
Largimi i tij është një humbje e madhe për familjen, miqtë, kolegët dhe gjithë komunitetin që e njohu nga afër. Kujtimi i tij do të mbetet i paharruar, ndërsa vepra dhe shembulli i tij do të vijojnë të frymëzojnë.
Lini një koment