Monedha europiane ka vijuar rënien në raport me lekun shqiptar. Të enjten, më 8 maj, euro u këmbye në tregun valutor me 97.8 lekë në blerje dhe 98.7 lekë në shitje, duke shënuar një rënie të lehtë krahasuar me ditët e mëparshme.
Ndërkohë, dollari amerikan mbetet stabël, me një kurs prej 86 lekësh në blerje dhe 87.4 lekësh në shitje. Paundi britanik ka pësuar gjithashtu rënie, duke u këmbyer me 114.4 lekë në blerje dhe 115.8 lekë në shitje. Franga zvicerane ka ruajtur të njëjtin nivel, duke u blerë me 104 lekë dhe shitur me 105.2 lekë.
Sipas ekspertëve të tregut, rënia e euros lidhet me dy faktorë kryesorë: fluksi i lartë i turistëve pas rritjes së temperaturave dhe ndikimi i fushatës elektorale, veçanërisht në javën e fundit para zgjedhjeve. Heshja e madhe e valutës evropiane në treg e ka dobësuar akoma më shumë këtë të fundit.
Të dy këta faktorë gjenerojnë një qarkullim të shtuar të valutës së huaj dhe përdorim të rritur të parave në ekonomi, çka ndikon në zhvlerësimin e monedhës europiane.
Lini një koment