Një 21-vjeçar është paraqitur i plagosur me thikë në Spitalin e Sarandës këtë të premte. I riu, i identifikuar si Devis Saliaj nga Tirana, ka marrë një plagë me thikë në parakrah dhe është trajtuar menjëherë nga personeli mjekësor.
Burime nga spitali bëjnë me dije se Saliaj ndodhet jashtë rrezikut për jetën, ndërsa ka qenë në gjendje të dehur në momentin e paraqitjes në spital, gjë që ka vështirësuar marrjen e dëshmisë së tij për rrethanat e ngjarjes.
Ndërkohë, autoritetet kanë identifikuar autorin e dyshuar të plagosjes. Bëhet fjalë për shtetasin Denis Beqo, nga Saranda, për të cilin policia ka nisur kërkimet me qëllim kapjen dhe shoqërimin në komisariat.
Rrethanat e ngjarjes mbeten ende të paqarta dhe hetimet janë në vijim.
Lini një koment