Strukturat e Policisë së Shtetit në kuadër të operacionit “Plazhi i Lirë” kanë intensifikuar kontrollet përgjatë vijës bregdetare të qarkut Vlorë, me qëllim lirimin e hapësirave publike të zëna në mënyrë të paligjshme dhe garantimin e një sezoni veror sa më të rregullt për pushuesit.
Gjatë kontrolleve të ushtruara në bregdetin e Sarandës, në zonën e njohur si plazhi i “Çentralit”, u konstatua se shtetasi J. Ç., 30 vjeç, banues në Sarandë, kishte zënë hapësirë publike në mënyrë të paligjshme, duke vendosur çadra dhe shezlongë pa autorizim.
Në lidhje me këtë rast, specialistët për Hetimin e Krimeve Ekonomike dhe Financiare kanë referuar materialet në Prokurori dhe kanë nisur procedimin penal në gjendje të lirë ndaj 30-vjeçarit.
Policia njofton se kontrollet do të vijojnë gjatë gjithë sezonit veror në të gjithë qarkun, për të garantuar respektimin e ligjit, lirimin e hapësirave publike dhe verifikimin e ligjshmërisë së veprimtarisë së subjekteve që ushtrojnë aktivitet përgjatë bregdetit.
Lini një koment