Policia e Sarandës ka nisur procedimin penal ndaj shtetasit R. Sh., 36 vjeç, banues në Sarandë, pas një videoje të publikuar në rrjetet sociale ku ai shihet duke përmbysur disa kosha mbeturinash në rrugën “Butrinti”.
Menjëherë pas publikimit të videos, shërbimet e policisë ndërhynë për identifikimin dhe ndëshkimin e personit përgjegjës. Pas përfundimit të veprimeve hetimore, materialet i janë referuar Prokurorisë për vijimin e procedimit penal.
Policia apelon për respektimin e mjedisit dhe qetësisë publike, duke ftuar qytetarët të kontribuojnë për një qytet më të pastër dhe më mikpritës për vizitorët. Çdo rast që cenon mjedisin apo rendin publik mund të denoncohet në numrin 112.
Lini një koment