Pushimet në bregdetin shqiptar u kthyen në tragjedi për një 20-vjeçar nga Rahoveci i Kosovës, i cili ndërroi jetë papritur teksa po argëtohej me miqtë. Ngjarja e rëndë ndodhi pasditen e 14 korrikut, në zonën e plazhit të Dhërmiut.
Burime për Saranda Online bëjnë me dije se i riu, i identifikuar si Anid Hoxha, dyshohet se ka ndërruar jetë për shkaqe natyrale ndërsa po luante volejboll në rërë.
“Specialistët e Stacionit të Policisë Dhërmi referuan materiale për vlerësim, pasi më datë 14.07.2025, pranë një plazhi në Dhërmi, në fushën e volejbollit, dyshohet se ka humbur jetën për shkaqe natyrale shtetasi A. H., 20 vjeç, banues në Kosovë, i cili ndodhej me pushime së bashku me shoqërinë e tij”, thuhet në njoftimin e policisë.
Trupi i pajetë i të riut është transportuar në Institutin e Mjekësisë Ligjore në Tiranë, ku do të kryhet autopsia për të përcaktuar shkakun e saktë të vdekjes.
Ngjarja ka tronditur familjarët dhe miqtë e tij në Kosovë, ndërsa autoritetet shqiptare kanë nisur hetimet për të zbardhur plotësisht rrethanat
Lini një koment