Pas dorëheqjeve masive të drejtorëve, administratorëve dhe nënkryetarëve në Bashkinë e Sarandës, këtë të martë janë regjistruar dorëheqje masive dhe në Bashkinë Delvinë.
Burime bëjnë me dije se nënkryetarët, administratorët dhe drejtorët lokalë në bashkinë Delvinë kanë dhënë dorëheqjen e tyre.
Nga ana tjetër në Bashkinë e Konispolit, dorëheqjet kanë prekur vetëm administratorët e njësive administrative, ndërsa pjesa tjetër e strukturës së drejtimit mbetet në detyrë. Nuk përjashtohet mundësia e lëvizjeve të tjera në ditët në vijim.
Ndërkohë, në Bashkinë e Finiqit nuk janë raportuar dorëheqje apo shkarkime deri tani.
Dorëheqjet masive në bashkitë në jug të vendit vijnë pas ultimatumit të kryeministrit Rama për të rifreskuar strukturën drejtuese në nivel lokal.
Lini një koment