Burime për Saranda Online bëjnë me dije se të gjithë drejtorët e institucioneve dhe njësive vartëse të Bashkisë Sarandë kanë paraqitur dorëheqjen. Kërkesa për dorëheqje kolektive është bërë nga kryetari i bashkisë, Oltion Çaçi, në vijim të ultimatumit të Kryeministrit Edi Rama për rifreskimin e administratës vendore.
Drejtuesit që kanë dorëzuar dorëheqjet pritet t’i nënshtrohen një procesi vlerësimi të performancës dhe, nëse rezultojnë pozitivë, mund të rikthehen në pozicionet e mëparshme.
Edhe kryetari i Bashkisë Delvinë, Besmir Veliu, ka kërkuar dorëheqjen e të gjithë drejtorëve lokalë, në kuadër të të njëjtit proces.
Lini një koment