Kryebashkiaku i Konispolit i vetmi nga socialistët që nuk i bindet Ramës: Drejtorët nuk i shkarkoj, i kam të rinj

Kryetari i Bashkisë së Konispolit, Ergest Dule, nuk ka pranuar të zbatojë kërkesën e kryeministrit për shkarkimin e drejtorëve të bashkisë së tij.

I kontaktuar nga mediat, Dule deklaroi se drejtorët në bashkinë që ai drejton janë të rinj dhe performanca e tyre është e kënaqshme, ndaj nuk ka plan për t’i shkarkuar.

“Sipas meje, kërkesa e kryeministrit është keqkuptuar dhe interpretuar gabim nga mediat,” u shpreh Dule.

Ndërkohë, në Bashkinë e Sarandës është shënuar një valë dorëheqjesh, ku të gjithë nënkryetarët, administratorët dhe drejtorët kanë dorëzuar largimet e tyre.

Kjo situatë vjen pas ultimatumit të dhënë nga kryeministri Edi Rama për riorganizimin e administratave lokale në disa bashki të vendit.