Gjendet e pajetë në banesën e saj një grua në Sarandë, nisin hetimet

Një shtetase amerikane është gjetur e pajetë paraditen e kësaj të enjteje në banesën e saj në qytetin e Sarandës.

Viktima është identifikuar si Sharly Lynn Chaddick, 63 vjeçe, e cila prej disa vitesh kishte blerë një apartament dhe jetonte në Sarandë.

Trupi i pajetë i saj është transportuar në morgun e Sarandës dhe pritet të dërgohet në Institutin e Mjekësisë Ligjore (IML) në Tiranë për ekspertizë mjeko-ligjore, me qëllim përcaktimin e shkaqeve të vdekjes.

Policia lokale ka nisur hetimet për zbardhjen e rrethanave të ngjarjes.