Përfundoi me makinë në Bistricë, kush është shoferi që u shpëtua në sekondën e fundit

Një aksident i rëndë ka ndodhur pasditen e kësaj të shtune në aksin rrugor Sarandë-Gjirokastër, pranë fshatit Bistricë, ku një automjet tip “Opel” me targa AA459GJ ka humbur kontrollin dhe ka përfunduar në lumë.

Sipas dëshmitarëve, ndër të parët që ka shkuar në vendngjarje për të dhënë ndihmën e parë ka qenë banori i zonës, Vasil Koto Xhamiha, i cili ka ndërprerë kafën dhe është hedhur në ujë për të nxjerrë shoferin nga mjeti. Fillimisht, drejtuesi i automjetit, 80-vjeçari Vasillaq Gjini, nuk ka reaguar, por pas ndërhyrjes me frymëmarrje artificiale nga Koto, i moshuari është rikthyet në jetë, megjithëse nuk ka qenë në gjendje të flasë.

I plagosuri është transportuar menjëherë në Spitalin e Sarandës, ku sipas mjekëve ndodhet jashtë rrezikut për jetën. Nga analizat e kryera ka rezultuar se ai drejtonte mjetin nën ndikimin e alkoolit.