Prokuroria e Sarandës ka kërkuar në Gjykatën e Rrethit Gjyqësor caktimin e masës së sigurisë “arrest në burg” për 20 personat e arrestuar në kuadër të hetimeve për prodhim dhe shitje narkotikësh në zonat e Sarandës dhe Ksamilit. Kërkesa u bë nga prokurorja Esmeralda Basho.
Sipas hetimeve, personat e dyshuar bashkëpunonin për shpërndarjen e kokainës dhe kanabisit, kryesisht në shëtitore, plazhe, në afërsi të shkollave të mesme dhe në beach-bare të zonës.
Prokuroria bën me dije se hetimi është pjesë e procedimit penal nr. 442/2026 dhe ka zgjatur rreth dy muaj, gjatë të cilit janë kryer përgjime ambientale dhe veprime të simuluara, nëpërmjet të cilave është dokumentuar edhe vetë shitja e lëndëve narkotike. Sipas të dhënave, dozat e shitura kanë variuar nga 0.3 deri në 3.5 gramë, me çmime nga 2 mijë deri në 35 mijë lekë.
Gjatë kontrolleve të kryera në kuadër të hetimit janë sekuestruar 72 doza kokainë, 80 doza kanabis, dy pistoleta, katër automjete, 19 telefona celularë dhe një shumë parash në euro.
Personat e arrestuar janë:
- Arlind Osmani, 25 vjeç
- Feliks Filija, 27 vjeç
- Flatun Lalaj, 54 vjeç
- Altin Arapi, alias Altin Demiri, 48 vjeç
- Erion Dido, 41 vjeç
- Medi Myftaraj, 35 vjeç
- Redian Arizi, 33 vjeç
- Dhimitër Terolli, 33 vjeç
- Nikolin Rakipi, 32 vjeç
- Klerjan Popshini, 27 vjeç
- Bledar Kovaçi, 26 vjeç
- Xhuliano Mejdi, 27 vjeç
- Vasil Kaci, 23 vjeç
- Shefqet Bezhani, 20 vjeç
- Andrea Babi, 20 vjeç
- Nazif Refitaj, 24 vjeç
- Elvis Demçaj, 30 vjeç
- Denis Saliaj, 22 vjeç
- Korado Omeri, 28 vjeç
Ndërkohë në kërkim janë shpallur shtetasit Fabjo Berhamaj, 30 vjeç, dhe Stilian Rakipi, 26 vjeç, ndërsa Ermir Nasi, 37 vjeç, po procedohet në gjendje të lirë.
Më herët, më 31 korrik, në kuadër të të njëjtit hetim janë arrestuar Argjend Nanaj, Ardit Cama dhe K.J., ndërsa atyre iu sekuestruan rreth 4 kilogramë kanabis.
Sipas hetimeve, kanabisi dyshohet se sigurohej në zonën e Shenvasilit dhe fshatrat përreth, ndërsa grupi dyshohet se furnizonte edhe shtetas të huaj që më pas e shpërndanin drogën në Sarandë dhe Ksamil.
Lini një koment