Pas operacionit të SPAK që çoi në shpalljen në kërkim të Elvis Dervishit, ish-shefit të Policisë së Kufirit dhe Migracionit në Sarandë, është caktuar sot drejtuesi i ri i këtij institucioni.
Burime zyrtare bëjnë me dije se në krye të Policisë së Kufirit dhe Migracionit Sarandë është emëruar Elvid Shehu, i cili deri më tani mbante postin e shefit të Stacionit të PKK Qafë-Botë.
Shehu ka një eksperiencë të gjatë në strukturat e kufirit, ku më herët ka shërbyer si përgjegjës turni në Portin e Sarandës dhe Qafë-Botë, si dhe si specialist për vlerësimin e riskut në Komisariatin e Kufirit dhe Migracionit Sarandë. Ai ka mbajtur gjithashtu dhe detyrën e zëvendësshefit në Pikën Kufitare të Qafë-Botës.
Emërimi i tij u realizua pas një procesi përzgjedhjeje me konkurim mbi bazën e pikëve, ku morën pjesë 42 kandidatë për 6 pozita vakante. Vetëm 17 prej tyre arritën të kalojnë pragun minimal prej 70 pikësh, ndërsa Shehu u rendit mes fituesve me 72 pikë.
Kujtojmë se më herët Evid Shehu ka qenë një portier i talentuar i ekipit të Butrintit.
Lini një koment