Një 39-vjeçar është arrestuar në Himarë pasi dyshohet se po ndërtonte pa leje një objekt 5 kate mbi tokë dhe një kat nëntokë, në vendin e quajtur “Sugë”, në Qeparo.
Në pranga është vënë shtetasi L. B., 39 vjeç, banues në Tiranë, pronari i objektit. Ndërkohë, policia ka shpallur në kërkim shtetasit D. H., 46 vjeç, M. K., 31 vjeç dhe A. H., 42 vjeç, me detyra kryeinspektor dhe inspektorë të IMT-së së Bashkisë Himarë, për veprën penale “Shpërdorimi i detyrës”.
Në kuadër të të njëjtit rast, kryebashkiaku Vangjel Tavo ka vendosur shkrirjen e strukturës së IMT-së në bashki, ndërsa 6 punonjës të saj janë larguar nga detyra dhe po hetohen për përgjegjësinë lidhur me ndërtimin pa leje.
Lini një koment