Policia ka zhvilluar një aksion të gjerë antidrogë në Sarandë, që ka çuar në arrestimin e disa personave të dyshuar për përfshirje në shpërndarjen e lëndëve narkotike.
Burimet bëjnë me dije se mes të arrestuarve janë edhe persona që dyshohet se kishin rol drejtues në grupet që merreshin me aktivitetin e paligjshëm. Gjatë kontrolleve janë gjetur dhe sekuestruar kokainë, kanabis, si dhe armë.
Operacioni është ndërmarrë nga efektivët e Komisariatit të Policisë Sarandë, në kuadër të goditjes së rrjetit të shpërndarjes së drogës, fenomen i cili kohët e fundit ishte kthyer në një shqetësim në qytet.
Operacioni është ende në vijim e sipër dhe nuk janë bërë me dije identitetet e personave të arrestuar.
Lini një koment