Pas atentatit që tronditi Sarandën të dielën, ndryshimet kanë prekur drejtimin e Komisariatit të Policisë Sarandë. Kryekomisari Saimir Shkambaj, i cili deri tani drejtonte Komisariatin e Policisë Tropojë është transferuar dhe emëruar në krye të Komisariatit të Sarandës, duke zëvendësuar komisar Feliks Hodën.
Hoda është transferuar dhe emëruar Shef i Komisariatit të Policisë Dibër, ndërsa në Tropojë, në vend të Shkambajt, është komanduar komisar Andi Kano, i cili deri tani mbante detyrën e Shefit të Hetimit të Krimeve në këtë komisariat. Ndryshimet janë bërë me urdhër të Drejtorit të Përgjithshëm të Policisë së Shtetit.
Lini një koment