Saranda Online ra këtë të mërkurë pre e një sulmi nga një pseudo-gazetar që ka një portal të quajtur Saranda Web. Limos Didani, fytyra më e korruptuar e gazetarisë në Sarandë, i ka bërë report lajmeve të Saranda Online me pretendimin se ruan autorësinë e lajmit. Lajmi i bërë nga Saranda Online për Eco Campusin është autentik, dhe zotëria pretendon se kemi marrë foton prej tij, ndërkohë që kjo nuk është e vërtetë.
E kundërta është e vërtetë, që Saranda Web ka marrë tekste dhe foto nga portali ynë, për të cilat Saranda Online do të kërkoj mbylljen e portalit nga AcroMax.
Ky sulm vjen nga një gazetar që përdoret nga pushteti, pas denoncimeve të njëpasnjëshme nga Saranda Online për problematika reale të qytetarëve.
Meqë Didani nuk e pranon dot konkurrencën dhe shfaqjen e problematikave reale në qytet, ai ndërmerr sulme të tilla të orkestruara në bashkëpunim me ata që e paguajnë.
Ne, gjithashtu, do të demaskojmë këtë fytyrë të shëmtuar që hiqet si gazetar.
Saranda Online i bën thirrje prokurorisë të kontrollojë telefonin e Llapushit, ku do të gjenden komunikime që ai ka bërë me drejtorin e ujësjellësit në Sarandë.
Burime për Saranda Online bëjnë me dije se ai merr në mënyrë të vazhdueshme ryshfet prej 200 mijë lekësh në muaj që të mos bëjë publike problematikat e ujësjellësit në portalin e tij.
Ky gazetar paguhet edhe nga zyrtarë të tjerë, të cilëve u janë vendosur gjoba prej tij.
Ndaj, prokuroria duhet të ndërmarrë një hetim ndaj këtij gjobaxhiu të paskrupullt.
Lini një koment