Gjashtë persona janë arrestuar dhe një tjetër është shpallur në kërkim pas konfliktit të ndodhur në orët e para të mëngjesit te “Orange Club” në rrugën “Butrinti”, ku u godit Shefi i Hetimit të Krimit të Komisariatit të Policisë Sarandë, Mateo Bakalli.
Në pranga janë vënë Marjo Katiraj, administrator i lokalit, Elgent Ndoj, Faik Hoxha, Indrit Çullhaj, Ardit Kasemi dhe Besnik Sullollari, ndërsa në kërkim është shpallur Pjetër Doçi. Sipas hetimeve, Bakalli ndërhyri për të parandaluar përshkallëzimin e një konflikti mes rojeve të sigurisë dhe disa personave, por u godit edhe vetë.
Ndërkohë, dy punonjës policie, të cilët dyshohet se punonin pa leje si roje sigurie në lokal, janë pezulluar nga detyra dhe ndaj tyre ka nisur hetim disiplinor.
Lini një koment