Një incident u regjistrua ditën e sotme në plazhin e Borshit, ku një mjet lundrues tip skaf ka shkelur perimetrin e sigurisë ujore, duke hyrë pranë zonës së rrezervuar për pushuesit dhe duke rrezikuar jetën e tyre.
Pas publikimit të pamjeve filmike në rrjetet sociale, shërbimet e Policisë Kufitare Himarë, në bashkëpunim me Njësinë Policore Detare, ndërhynë menjëherë duke lokalizuar dhe bllokuar mjetin lundrues.
Drejtuesi i skafit, shtetasi A. Ll., është ndëshkuar me një masë administrative prej 100 000 lekësh, për shkelje të nenit 24/1/c të ligjit nr. 43/2020 “Zhvillimi i aktiviteteve jashtë zonave të kufizuara”.
Policia Kufitare apelon për të gjithë përdoruesit e mjeteve lundruese që të respektojnë perimetrin e sigurisë ujore dhe rregullat e përcaktuara për lundrim, për të shmangur situata të rrezikshme për pushuesit.
Gjithashtu, qytetarët ftohen të denoncojnë çdo shkelje të këtij lloji në numrin 112, duke iu garantuar reagim të menjëhershëm nga strukturat e Policisë.
Lini një koment