Një 25-vjeçar është arrestuar në flagrancë nga Policia e Sarandës, pasi dyshohet se theu masën e sigurisë “arrest në shtëpi” dhe shkaktoi zjarr në një sipërfaqe të madhe toke në zonën e Konispolit. Si rezultat i zjarrit u dogjën rreth 8 hektarë me barishte dhe shkurre.
I arrestuari është shtetasi R. L., 25 vjeç, banues në fshatin Shalës, Konispol. Ai dyshohet se më datë 27 korrik 2025, rreth orës 23:30, ka braktisur banesën duke shkelur vendimin gjyqësor të “arrestit në shtëpi”, i vendosur për veprën penale “vjedhja” dhe në bashkëpunim me një tjetër shtetas, ka ndezur zjarr në një sipërfaqe kullote në fshatin Janjar.
Për këtë ngjarje është proceduar penalisht edhe shtetasi S. I., 51 vjeç, banues në Janjar, i dyshuar si bashkëpunëtor në zjarrvënie.
Materialet procedurale i janë referuar Prokurorisë për veprime të mëtejshme. Policia e Sarandës vijon hetimet për zbardhjen e plotë të rrethanave të ngjarjes dhe identifikimin e çdo personi tjetër të përfshirë.
Si pasojë e zjarrve në Shalës, janjar dhe Markat pati dëme të konsiderueshme për fermerët e zonë, ku u dogjën qindra rrënjë ullinj.
Lini një koment