Policia e Sarandës ka arrestuar në flagrancë Ergys Isufin, kandidat për deputet nga koalicioni “Nisma Shqipëria Bëhet”. Ai u kap me një sasi të dyshuar lënde narkotike, e llojit kokainë.
Sipas burimeve zyrtare, Isufi tentoi të largohej në momentin që u ndalua nga policia, por u neutralizua dhe u shoqërua në komisariat. Ngjarja ndodhi në një nga rrugët e qytetit të Sarandës.
Ndaj tij pritet të ngrihen akuza për “posedim të lëndëve narkotike” dhe “kundërshtim të punonjësve të policisë”. Hetimet për zbardhjen e plotë të rrethanave të ngjarjes vijojnë.
Aktualisht po kryhen veprimet e mëtejshme hetimore dhe kontrolle në banesën e tij.
Koalicioni “Nisma Shqipëria Bëhet” nuk ka reaguar ende në lidhje me arrestimin e kandidatit të tyre.
Lini një koment