Policia e Sarandës ka referuar materialet në Prokurori dhe ka nisur procedim penal ndaj tre shtetasve, të dyshuar për veprime në kundërshtim me ligjin mbi ndërtimet dhe shfrytëzimin e hapësirave publike.
Sipas njoftimit zyrtar, specialistët për Hetimin e Krimeve pranë Komisariatit të Policisë Sarandë kanë konstatuar shtetasit A. O. dhe A. D., banues në Sarandë, duke kryer punime me ekskavator në lagjen nr. 3, pa pasur lejen e nevojshme nga autoritetet përkatëse.
Gjithashtu, ndaj shtetasit Xh. B., gjithashtu banues në Sarandë, ka nisur procedimi penal pasi ka ndërtuar në mënyrë të paligjshme dy platforma në një zonë plazhi që e ka në menaxhim, pa respektuar rregullat ligjore për ndërtime në bregdet.
Lini një koment