Kalimi i automjeteve në Pikën Kufitare Qafë Botë është pezulluar përkohësisht që prej mëngjesit të kësaj të enjteje, 3 korrik.
Sipas informacioneve paraprake, shkak për këtë situatë është bërë arrestimi i një doganieri grek në pikën e kalimit në Mavromat. Deri tani nuk janë dhënë detaje mbi shkaqet e këtij arrestimi.
Në pikën kufitare greke është vendosur shiriti i policisë, ndërkohë që qarkullimi për këmbësorët vijon normalisht, por pa lejuar kalimin e automjeteve.
Ndërprerja e qarkullimit për automjetet ka nisur rreth orës 06:30 të mëngjesit dhe vijon ende. Nuk dihet ende sa do të vijojë bllokimi nga pala greke në këtë pikë të rëndësishme kufitare gjatë sezonit turistik.
Lini një koment