Një 29-vjeçar është arrestuar nga policia e Sarandës, pasi dyshohet se shiste lëndë narkotike në lagje të ndryshme të qytetit.
Gjatë kontrollit të ushtruar ndaj tij, forcat e rendit sekuestruan doza me kokainë dhe kanabis, të cilat ishin gati për shitje.
Me rritjen e fluksit të turistëve gjatë sezonit veror, rritet edhe aktiviteti i paligjshëm i trafikut të drogës në qytet.
“Në kuadër të kontrolleve të intensifikuara dhe bazuar në informacionet e siguruara, shërbimet e Komisariatit të Policisë Sarandë organizuan punën dhe goditën një rast të shpërndarjes së lëndëve narkotike në doza, ku si rezultat u arrestua në flagrancë shtetasi D. M., 29 vjeç, banues në Sarandë”, njofton policia.
Materialet procedurale iu referuan Prokurorisë pranë Gjykatës së Shkallës së Parë Sarandë, për veprime të mëtejshme në lidhje me veprën penale “Prodhimi dhe shitja e narkotikëve”.
Lini një koment