Policia e Sarandës ka proceduar penalisht një 45-vjeçar, pas një incidenti të ndodhur në lagjen nr. 1 të qytetit, ku qeni i tij ka kafshuar një të moshuar.
Uniformat blu bëjnë me dije se shtetasi D. S., banues në Sarandë, është vënë nën hetim pasi qeni i tij ka sulmuar dhe kafshuar në dorë shtetasin J. M., 70 vjeç, duke i shkaktuar dëmtime të lehta fizike.
Ngjarja është referuar për veprime të mëtejshme në Prokurori, ndërsa vijojnë procedurat ligjore për zbardhjen e plotë të rrethanave dhe verifikimin e përgjegjësisë së pronarit të kafshës.
Lini një koment