Policia Rrugore ka vënë në pranga drejtuesin e automjetit që u përfshi në aksidentin e ndodhur një ditë më parë në aksin Sarandë–Delvinë, ku mbetën të plagosur tre persona.
I arrestuari është shtetasi A. B., 20 vjeç, banues në Laç, i cili akuzohet për veprën penale “Shkelja e rregullave të qarkullimit rrugor”. Nga hetimet paraprake dyshohet se 20-vjeçari, gjatë një parakalimi të gabuar, ka shkaktuar përplasjen e automjetit që drejtonte me një mjet tjetër, duke rrezikuar jetën e pasagjerëve dhe kalimtarëve.
Si pasojë e aksidentit, tre persona mbetën të plagosur dhe u transportuan në spitalin e Sarandës, ku ndodhen jashtë rrezikut për jetën.
Materialet procedurale në ngarkim të 20-vjeçarit i kaluan Prokurorisë së Sarandës për veprime të mëtejshme ligjore.
Lini një koment