Një aksident rrugor u regjistrua mbrëmjen e së premtes rreth orës 22:30, pranë një karburanti në Sarandë, ku një këmbësor u godit nga një automjet në lëvizje.
Ngjarja ndodhi në afërsi të karburantit “Gega”, ku një mjet tip Volksëagen, me targa AB655KO, i drejtuar nga shtetasi Neim Tocaj, përplasi një kalimtar të rastësishëm.
I dëmtuari, Aristotel Çavo, 59 vjeç, banues në fshatin Krane të bashkisë Finiq, u transportua menjëherë në spitalin e Sarandës nga kalimtarët e rastit që ndodheshin në zonë.
Sipas burimeve nga urgjenca, 59-vjeçari ka pësuar vetëm gërvishtje të lehta, dhe pas trajtimit mjekësor është larguar për në banesë në gjendje të mirë shëndetësore.
Në vendngjarje mbërritën shërbimet e Qarkullimit Rrugor, të cilat konstatuan se drejtuesi i mjetit rezultoi negativ në testin e alkoolit (0.00 mg/l), duke përjashtuar ndikimin e alkoolit në momentin e aksidentit.
Lini një koment