Një mosmarrëveshje për marrjen me qira të një Jet-Ski ka degjeneruar në konflikt fizik mes tre shtetasve, pasditen e së dielës pranë plazhit “Bora Bora” në Ksamil.
Ngjarja ka ndodhur rreth orës 16:30, ku për motive të dobëta, shtetasit Sajmir Dajka dhe Shpëtim Kreçi janë konfliktuar me shtetasin Julian Hoxha, lindur në Elbasan dhe mbajtës i pasaportës angleze. Debati mes tyre dyshohet se ka nisur pas mosdakordësimit për orarin e përdorimit të mjetit lundrues.
Menjëherë pas incidentit, palët e përfshira dhe persona të tjerë që ndodheshin në vendngjarje janë shoqëruar në Komisariat, ku policia po vijon veprimet procedurale për dokumentimin e plotë të rastit.
Burime nga uniformat blu bëjnë me dije se pak ditë më parë, shtetasi Sajmir Dajka ishte gjobitur nga Policia Kufitare me 100 mijë lekë të reja, pasi kishte shkelur perimetrin e sigurisë së mjeteve lundruese.
Lini një koment