Një aksident i rëndë ka ndodhur paraditen e kësaj të marte në aksin Delvinë-Sarandë, pranë kthesës së fshatit Bajkaj, ku një autobus i linjës Delvinë-Sarandë ka përplasur 65-vjeçarin Agim Vocka, i cili po lëvizte në këmbë.
Pas aksidentit, drejtuesi i autobusit është larguar nga vendngjarja, por është kapur më vonë nga policia e Delvinës. Testi i alkoolit rezultoi negativ, me 0.00 mg/l.
I plagosuri u transportua fillimisht në spitalin e Sarandës, por për shkak të gjendjes së rëndë shëndetësore u dërgua me helikopter drejt spitalit të Traumës në Tiranë.
Policia Rrugore dhe grupi hetimor po punojnë për zbardhjen e plotë të rrethanave dhe shkaqeve të aksidentit.
Lini një koment