Një aksident rrugor është regjistruar mesditën e së dielës në aksin Sarandë-Ksamil, në afërsi të “Manastirit”. Raportohet se të lënduar mbetën dy të rinj, pasi motori me të cilin udhëtonin ka dalë jashtë rruge.
Sipas informacioneve paraprake, aksidenti ka ndodhur rreth mesditës, kur 21-vjeçari italian Giussepe Dani, i cili drejtonte motorin me targa BV183, ka humbur kontrollin e mjetit dhe është rrëzuar. Së bashku me të ndodhej edhe 21-vjeçarja shqiptare Artena Llani.
Të dy të rinjtë janë transportuar menjëherë në spitalin rajonal të Sarandës, ku po marrin ndihmë mjekësore. Fatmirësisht, burime zyrtare bëjnë me dije se të lënduarit janë jashtë rrezikut për jetën.
Në vendngjarje kanë mbërritur menjëherë shërbimet e Qarkullimit Rrugor, të cilat kanë nisur hetimet për zbardhjen e plotë të shkaqeve të aksidentit.
Lini një koment