Një aksident i rëndë rrugor është regjistruar në qytetin e Sarandës, në rrugën “Janaq Kumi”, ku një automjet tip “Citroën”, me targa AB122NO dhe i drejtuar nga shtetasi Danjel Veizi, është përplasur me një motor tip “Yamaha TMax”, me targa CB876, që drejtohej nga Aurel Gumeni, 27 vjeç.
Sipas të dhënave paraprake, automjeti ka kryer një manovër të gabuar, duke i prerë rrugën motorit dhe shkaktuar përplasjen.
Si pasojë e aksidentit, drejtuesi i motorrit ka pësuar dëmtime serioze. Ai është transportuar fillimisht në Spitalin e Sarandës, ku ka marrë ndihmën e parë, ndërsa më pas është dërguar me helikopter drejt Spitalit të Traumës në Tiranë, për shkak të plagëve të shumta dhe politraumave.
Grupi hetimor po punon për sqarimin e plotë të rrethanave të aksidentit.
Lini një koment