Presidenti i Republikës, Bajram Begaj, zhvilloi mbrëmjen e kësaj zë premteje një vizitë në urgjencën e Qendrës Spitalore Universitare “Nënë Tereza”, ku pa nga afër gjendjen shëndetësore të shefit të Komisariatit të Delvinës, komisar Agim Troci. Komisar Troci pësoi djegie në bark, krah dhe këmbë shpëtimit të një fëmije 10-vjeçar në një banesë të përfshitë nga flakët në zonën e Senicës.
Gjatë vizitës, Kreu i Shtetit vlerësoi aktin e guximshëm dhe përkushtimin e komisar Trocit, duke e cilësuar shembull frymëzues të shërbimit ndaj komunitetit.
“Vlerësoj maksimalisht angazhimin e forcave zjarrfikëse, emergjencave civile, forcave të armatosura dhe pushtetit vendor në përballimin e kësaj situate të vështirë me temperatura shumë të larta,” deklaroi Presidenti Begaj.
Ai shfrytëzoi rastin për të dhënë një mesazh ndërgjegjësues për qytetarët, duke theksuar rëndësinë e përgjegjësisë individuale dhe bashkëpunimit me strukturat shtetërore në përballimin e zjarreve:
“Ftoj qytetarët të tregojnë kujdes dhe përgjegjësi, parandalimi fillon nga secili prej nesh. Bashkëpunimi dhe kontributi me këto struktura është thelbësor për sigurinë e jetës dhe të pronës. Çdo akt zjarrvënieje është i dënueshëm dhe sjell pasoja të rënda për jetën dhe pasurinë.”
Presidenti Begaj theksoi gjithashtu se të gjitha institucionet shtetërore janë në gatishmëri të plotë dhe të pranishme në zonat më të rrezikuara nga zjarret në vend.
Lini një koment