Gjendet pa shenja jete në banesë 20-vjeçari në Sarandë
Një ngjarje e rëndë është regjistruar mëngjesin e 26 korrikut në Sarandë, ku një 20-vjeçar me shtetësi maqedonase është gjetur pa shenja jete në banesën ku qëndronte për pushime.
Sipas njoftimit zyrtar të Policisë së Sarandës, viktima është identifikuar si shtetasi O. J., 20 vjeç, banues në Maqedoni. Ai është gjetur nga familjarët në apartamentin e marrë me qira në lagjen nr. 1 të qytetit bregdetar.
Nga këqyrja paraprake e trupit nuk janë konstatuar shenja dhune, ndërsa dyshohet se i riu ka ndërruar jetë për shkaqe natyrale. Megjithatë, mosha e re e viktimës ka ngritur pikëpyetje për hetuesit, të cilët kanë nisur procedurat për përcaktimin e shkakut të saktë të vdekjes përmes ekspertizës mjeko-ligjore.
Materialet i janë referuar Prokurorisë për vlerësim dhe veprime të mëtejshme.
Lini një koment