Në një kohë ku informacioni shpesh herë manipulohet dhe interesat politike errësojnë të vërtetën, SarandaOnline.al vjen si një frymë e re në fushën e medias lokale. Një grup gazetarësh të rinj, të apasionuar dhe të përkushtuar, kanë bashkuar forcat për t’i sjellë publikut të Sarandës dhe më gjerë një gazetari ndryshe: të paanshme, me standarde profesionale dhe mbi të gjitha në shërbim të interesit publik.
Në faqen tonë do të gjeni lajme në kohë reale, ngjarje të rëndësishme, histori frymëzuese dhe analiza të thelluara, gjithnjë me respekt për të vërtetën dhe dinjitetin e lexuesit.
Ne nuk jemi të lidhur me politikën, nuk jemi pjesë e portaleve të sponsorizuara.
Ne besojmë në atë që thoshte George Orwell: Gazetaria është të publikosh atë që dikush tjetër nuk do që të publikohet. Çdo gjë tjetër është propagandë.
Në SarandaOnline.al, ne respektojmë etikën dhe standardin e gazetarisë, sepse besojmë, tek filozofia e Nelson Mandelas se: Pa një shtyp të lirë dhe të pavarur, demokracia është një iluzion.
Çdo lajm që publikojmë ka për synim të nxisë qytetarinë aktive, të informojë pa paragjykim dhe të jemi një dritare e hapur për çdo zë në komunitetin tonë.
Nëse edhe ju besoni se informacioni i saktë është themeli i një shoqërie të shëndetshme, atëherë ju ftojmë të bëheni pjesë e komunitetit tonë të lexuesve.
SarandaOnline.al, aty ku Saranda jeton në kohë reale!
Lini një koment