Dy pronarë të jet-skive në Ksamil janë proceduar penalisht pas një incidenti të ndodhur më 8 korrik, ku mbeti i lënduar një turist francez.
Gjatë manovrave me mjetin lundrues turisti u rrëzua në det dhe dëmtua lehtë.
Pas mbërritjes në vendngjarje policia procedoi penalisht në gjendje të lirë pronarët e jet-skive, shtetasit K. M., 23 vjeç, dhe L. M., 21 vjeç.
Ata akuzohen për veprën penale “Fshehja e të ardhurave”, pasi dyshohet se kanë dhënë me qira dy jet-ski turistëve francezë pa regjistrim në organet kompetente.
Shtetasi francez I. I., i cili u lëndua gjatë përdorimit të jet-skive, mori ndihmë mjekësore dhe ndodhet jashtë rrezikut për jetën.
Në kuadër të hetimeve, Policia Kufitare ka bllokuar dy mjetet lundruese dhe ka vendosur gjoba administrative prej 1 mijë lekësh të reja për dy pronarët e tyre.
Materialet janë referuar Prokurorisë për veprime të mëtejshme ligjore.
Lini një koment