Një aksident i rëndë rrugor është shënuar mëngjesin e kësaj të mërkure në Sarandë. Aksidenti ka ndodhur rreth orës 06:50, në aksin Sarandë-Ksamil, pranë zonës së njohur si “Hidrovori”, ku një 28-vjeçar me shtetësi belge ka humbur kontrollin mbi motomjetin tip “Dayang” që drejtonte dhe është përplasur me barrierat mbrojtëse anësore të rrugës.
Sipas informacionit paraprak të siguruar nga Policia, dyshohet se i riu, i identifikuar me inicialet Y.Z., ndodhej në gjendje të dehur në momentin e ngjarjes. Si pasojë e përplasjes, ai ka pësuar dëmtime të shumta dhe është transportuar me urgjencë në spital. Fatmirësisht, mësohet se gjendja e tij shëndetësore është e stabilizuar dhe ndodhet jashtë rrezikut për jetën.
Grupi hetimor vijon veprimet për të përcaktuar shkaqet dhe rrethanat e plota të aksidentit.
Lini një koment