Qëlloi me grusht gjyshen dhe babanë, procedohet i mituri në Sarandë

Një ngjarje e rëndë është shënuar në Sarandë, ku një 15-vjeçar është proceduar penalisht nga policia pas dhunës së ushtruar ndaj babait dhe gjyshes së tij.

Sipas informacioneve zyrtare të policisë, ngjarja ka ndodhur pas një konflikti për motive të dobëta në familje, gjatë të cilit i mituri ka goditur me grusht babain dhe gjyshen. Materialet i janë referuar Prokurorisë pranë Gjykatës së Shkallës së Parë Sarandë, ndërsa ndaj të miturit ka nisur procedimi penal.

Njoftimi i Policisë:

“Specialistët për Hetimin e Krimeve në Komisariatin e Policisë Sarandë referuan materiale në Prokurori dhe nisën procedimin penal për një shtetas të mitur, 15 vjeç, banues në lagjen nr. 2, Sarandë, pasi dyshohet se gjatë një konflikti për motive të dobëta, ka goditur me grusht babain dhe gjyshen e tij.”