Një qytetar nga Saranda ka denoncuar në redaksinë e Saranda Online zaptimin e një hapësire publike mbi Drejtorinë Arsimore të qytetit. Ai thotë se një biznes aty pranë e ka kthyer në parkim tokën shtetërore, ndërkohë që akuzon policinë dhe IMT-në për bashkëpunim.
“Përshëndetje Saranda Online, jam një qytetar i lagjes numër 3 të qytetit dhe desha të denoncoj zënien e një hapësire publike në lagjen time, mbi drejtorinë arsimore. Një hapësirë publike në anë të rrugës është zaptuar dhe është kthyer në parkim, si në video.
Policia dhe IMT e bashkisë nuk bëjnë asgjë, ndoshta marrin lekë nga biznesi në anën tjetër të rrugës që e ka zaptuar. I kam shkruar dhe kryeministrit dhe pres që ta publikoni dhe ju”, thuhet në mesazh.
Lini një koment